15:21
“Һәләтле балалар – беҙҙең киләсәк”

         Бөгөн, 16 май көнө, районыбыҙҙа матур йолаға әйләнгән муниципаль “Һәләтле балалар” форумы үтте. Быйыл был сарала олимпиада, конкурстар, ярыштар, бәйгеләр призерҙары булған 146 уҡыусы  һәм уларҙың остаздары ҡатнашты.

Беҙҙең районда уҡыусыларҙың һәләтен билдәләү һәм уларҙың талантын асырға ярҙам итеү, тәжрибә уртаҡлашыу, социаль әүҙемлеген үҫтереү маҡсатында «Һәләтле балалар менән эште ойоштороу» маҡсатлы программаһы тормошҡа ашырыуын дауам итә һәм был эш эҙмә-эҙлекле алып барыла.

Форумда Бөрйән районы хакимиәте башлығының беренсе урынбаҫары В.Ф. Вәлиева уҡыу, фән, спорт, сәнғәт, әҙәбиәт өлкәләрендә ҙур ҡаҙаныштарға өлгәшкән уҡыусыларға район хакимиәте башлығының стипендияһын тапшырҙы, ә мәғариф бүлеге етәксеһе И.Ғ. Сәйфитдинов республика кимәлендә үткәрелгән олимпиадаларҙа призер исемен яулаған уҡыусыларға һәм уларҙы әҙерләгән уҡытыусыларға мәғариф бүлегенең рәхмәт хаты һәм маҡтау ҡағыҙы менән бүләкләне. Сараға мәртәбә өҫтәп Аврора таланттар үҫтереү үҙәгенән килгән ҡунаҡтар ҡатнашты.Сара бик матур һәм фәһемле үтте.

$IMAGE1$

Просмотров: 69 | Добавил: РОО | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]